Շնորհակալ եմ, որ ժամանակ եք գտնում եւ այցելում www.mindiaspora.am կայքը, տեղեկանալու համար Հայաստան-Սփյուռք գործակցության զարգացմանը, ՀՀ սփյուռքի նախարարության անելիքներին եւ Սփյուռքի առօրյային: Հուսով եմ ինտերնետի (համացանց) բոլոր հնարավորությունները կօգտագործենք ՀՀ կառավարության կողմից Սփյուռքին միտված քաղաքականության հիմնական դրույթները Ձեզ հասցնելու համար:

Մենք կանենք ամեն ինչ, որ կայքում տեղ գտնեն հետաքրքիր եւ կարեւոր նյութեր, տեղեկություններ, կփորձենք տեղեկատվություն փոխանցել Հայաստանում եւ գաղթօջախներում տեղի ունեցող իրադարձությունների մասին:

Երախտապարտ կլինենք, եթե Ձեր կողմից արվեն առաջարկություններ եւ դիտողություններ կայքում տեղ գտած նյութերի, ծրագրերի եւ տեղեկատվության վերաբերյալ:

Խնդրում ենք բարձրացնել հիմնախնդիրներ, անել հարցադրումներ ու առաջարկություններ, որոնք առնչվում են Հայաստան-Սփյուռք կապերին: Մենք պետք է անենք ամեն ինչ, որպեսզի նպաստենք ազգի միավորմանն ու Հայաստան-Սփյուռք հարաբերությունների ջերմացմանը, համազգային հարցերի շուրջ ողջ հայության համախմբմանը:

Դրանք կարող են հարստացնել, գեղեցկացնել եւ առավել գրավիչ դարձնել ՀՀ սփյուռքի նախարարության կայքը, ասել է թե` Ձեր կայքը: Վստահ եղեք, որ լավագույն առաջարկներն անարձագանք չեն մնա:

Վստահ եմ, որ նաեւ աշխարհի տարբեր ծայրերում կայքեր ստեղծող շատ հայ մասնագետներ իրենց ներդրումը կունենան կայքն առավել բազմաբովանդակ դարձնելու համար:

Հարգարժան բարեկամներ, հավատացած եմ, որ մեր ինտերնետային կայքի խորագրերը ձեզ հնարավորություն կտան ծանոթանալու անվանի սփյուռքահայերի կյանքին ու գործունեությանը, Հայրենիք-Սփյուռք գործակցության շրջանակներում իրականացվող ծրագրերին, ինչպես նաեւ Սփյուռքում մեր հայրենակիցների խնդիրներին, կազմակերպությունների գործունեությանը:

Սիրով եւ անկեղծ ակնկալիքներով`
ՀՀ սփյուռքի նախարար
Հրանուշ Հակոբյան